Car文愛美麗@部落格

由於踏入秋冬，各大品牌嘅PR都知道Carmen係一位乾肌女，

所以陸續收到好多唔同嘅保濕產品，當中價錢有平有貴，

今次想同大家分享幾件開架品牌NIVEA嘅平、靚、正護膚品。

首先介紹NIVEA 24 小時補濕晶華，

呢個係一款日霜，

擁有專利補濕因子 Hydra IQ ，

能夠為肌膚細胞製造更多水漾管道，

讓肌膚得到 24 小時的深層補濕。

蘊含UVA 及 UVB 配方，

有效抵禦因外在環境所有來嘅肌膚提早老化問題。

帶來清新嘅香味，質感好清爽同保濕。

我覺得佢吸收到好快，而且一D都唔笠。

用完之後，皮膚好水嫩，而且好溫和，感覺好舒服。

保濕度都唔錯，用左之後，

水份度都提升左大概10%。

我覺得日霜黎講其實已經好足夠。

第二款係 Q10 Plus 抗皺修護晚霜，

蘊含特有天輔酵素 Q10 ，

係夜晚皮膚更新最佳嘅時候用，

可以對抗皺紋同時收細毛孔。

呢個面霜嘅質感好滋潤同幼滑；

而且味道仲好香添，好似雪花膏咁嘅味道。

我覺得搽少少已經好足夠，

用完之後，皮膚好幼滑、滋潤同有光澤。

保濕度極高，提升左成大約20%，

秋冬天氣比較乾燥，皮膚容易缺水，

所以用佢做晚霜真係一流呀﹗

另外，Q10 Plus系列仲有推出眼部抗皺修護霜，

蘊含天然輔酵素 Q10 ，

有效促進眼部肌膚新陳代謝，

減少幼紋增長，同埋減淡黑眼圈。

Q10 Plus 眼部抗皺修護霜裡面無任何香料成份，

好適合配戴隱形眼鏡嘅人用，

而且經過眼科同皮膚科專家測試認可，

咁就可以放心用啦﹗

最怕眼霜太笠會令到眼部皮膚生油脂粒，

Q10 Plus 眼部抗皺修護霜嘅質地清爽易吸收，

用完之後，可以即時解決眼部幼紋問題。

用完呢枝Q10 Plus 眼部抗皺修護霜之後，

我覺得佢可以媲美專櫃品牌嘅眼霜。

而且重點係佢價錢夠平，

連小資女同學生都可以負擔得起。

一向都覺得NIVEA嘅身體護理產品好用之餘，又夠平。

宜家用過品牌嘅面部護理產品之後，發現可以推介埋比身邊嘅朋友。

**是次產品由NIVEA所提供**

NIVEA Hong Kong

Facebook: https://www.facebook.com/nivea.hk

免責聲明: 本文章所發表的全部內容均屬個人意見及感受，並不代表該品牌之言論及立場。如需協助或希望獲得更多有關產品資訊，請直接聯絡該品牌查詢或尋求相關專業意見。如從而引起任何損失或法律糾紛，本人概不負責。