夏日天然溫和美白好推介﹗Caudalie Vinoperfect 葡萄蔓極緻亮白系列 @ Car文愛美麗@部落格

美白已經成為我近期嘅熱話，因此夏天女仔真係好怕曬黑+出斑，加上抗疫期間成日長時間戴口罩，膚色暗啞，面上好易生曬暗瘡，仲搞到有印留底，所以美白產品成為咗我宜家每日必用嘅護膚產品。我啲皮膚一向乾性又易敏感，選用美白產品嘅時候會特別小心，我自己就一直鍾情「Caudalie Vinoperfect 葡萄蔓極緻亮白系列」，因此呢個系列嘅產品成分天然溫和，而且不含油份、矽、酒精、Paraben、PEG等有害化學物，安全又無毒性成分，就連敏感肌同孕婦都岩用㗎﹗

今次同大家分享兩款 Caudalie 升級版 Vinoperfect 葡萄蔓極緻亮白系列嘅產品，包括第2代葡萄美白精華&葡萄美白晚霜，包裝簡約清新，仲採用咗 100%可回收環保包裝，美肌同時愛護地球。

【皇牌升級】Vinoperfect Radiance Serum Complexion Correcting

葡萄蔓極緻亮白精華液 HK$520/ 30ml；HK$720/ 50ml

第二代精華液成分更親膚，更快滲透，功效係之前嘅4倍，更強更快見效；仲用咗更高效 98%天然純素升級配方，其天然美白淡斑功效更比維他命 C 高 62 倍，有效減淡暗瘡印，雀斑，荷爾蒙斑&老人斑，美白同時袪斑。

天然溫和葡萄美白，絕無刺激敏感、乾燥、吸光等副作用，而且無痛、無副作用就可以擊退令人非常討厭嘅雀斑、暗瘡印，仲可以減淡懷孕期間引起嘅荷爾蒙斑或妊娠斑。如果大家唔想進行激光治療去改善色斑問題的話，呢款產品就係另一個最佳選擇。當中橄欖角鯊烯，有效滋養保濕，美白同時又可以改善乾燥同缺水問題。無添加油份、酒精、人造香料、Paraben、石蠟、PEG&動物原材料等有害化學物，成分安全可靠，連敏感肌同孕婦都用得﹗

葡萄蔓極緻亮白精華液可以早晚使用，質感輕盈清爽，滲透力又強，味道清新舒服。用完肌膚水潤亮澤，膚色仲愈來愈白滑細緻。夏天天氣炎熱又潮濕，我自己就最鍾意用呢款精華液，保濕又夠清爽，唔會令皮膚生粉刺同痘痘。

【全新升級】Vinoperfect Dark Spot Correcting Glycolic Night Cream

葡萄蔓極緻凝白晚霜 HK$400/ 50ml

呢款晚霜可以當埋面膜咁用，因為能夠美白&煥膚同時進行，只需要 8 個鐘頭，皮膚一夜之間就可以回復彈嫩光感，而且仲唔會過度刺激皮膚&引起敏感不適。蘊含95%天然純素升級配方，葡萄蔓萃取液專利成分、由天然木瓜酵素及甘醇酸提煉而成 Bio-peeling 煥膚複合物，喺晚上黃金睡眠時間，幫皮膚溫和袪除老化角質而唔會刺激敏感幼嫩肌膚，有效促進細胞更新，改善粗糙膚質，同時淡化色斑並阻截黑色素細胞再生。